Lamentabel e perdida material cu a tuma luga den oranan di marduga manece diamars. Un cas situa na Playa ( Brikstraat 17 ) completamente destrosa dor di un candela feroz.
Informacion cu a haya na sitio tabata indica cu un adicto ambulante lo a sali for di e cas na grito di susto pidiendo un persona den cercania pa yama 911.
Na prome instante tabata teme pa e bida di e habitante di e cas, cu ta un persona di edad pero afortunadamente por a tuma nota cu e lo tabata para na sitio ta wak con e candela tabata caba cu e cas por completo.
Autoridadnan mesora a cuminsa actua pa domina e candela y sigura cu demas cas den cercania no core risico di tambe coi candela. E destruccion ta total, e dak di e cas a bin abou y practicamente no a resta nada. Ainda no tin un indicacion kico lo tabata e causa di e candela of si tin un persona responsabel pa inicia esaki.
