Diamars pasa di 12 or marduga gai cora a canta den bario di Madiki na Brikstraat unda habitantenan a constata tin un cas completamente na candela. Di biaha a despacha unidad di bomberonan y polis.
Madiki: Cas na candela diamars marduga.
Posted by MasNoticia.com on Monday, March 2, 2020
Na yegada di polis cu a yega di biaha a topa cu un cas estilo bieu full na candela, e prome truck di brandweer a yega basta lihe y aki e bomberonan a drenta accion di biaha. A cuminsa combati e candela rapidamente, e persona mes cu ta biba na e cas ya tabata for di su cas. Ta trata di un persona grandi. E di dos truck di brandweer a acudi na e sitio pa duna un man. Personal di elmar tambe a presenta pa cora coriente debi cu ainda tabata tin coriente na e waya y esaki tabata chispa. Ta desconoci e momento ey kico tabata causa di e candela.
