fbpx
December 02, 2022

Un resumen di CoronaVirus esaki ta e hechonan di mas importante encuanto e enfermedad COVID-19

Share on Facebook
Share on Whatsapp
0
0
Un resumen di CoronaVirus esaki ta e hechonan di mas importante encuanto e enfermedad COVID-19
Un resumen di CoronaVirus esaki ta e hechonan di mas importante encuanto e enfermedad COVID-19

Coronavirus disease(COVID-19) a wordo discubri na final di 2019 na China di cual tin hopi noticia over di COVID-19-virus den media. Directie Volksgezondheid Aruba ta informa riba locual ta mas importante pa sa tocante e enfermedad aki. Na Aruba NO tin caso di COVID-19.
Kiko ta e simptomanan di e enfermedad?
No ta tur hende cu tin griep, tin COVID-19.
– 82% di e casonan actual cu un diagnostico di COVID-19 tin sintoma leve cu ta similar na griep.
– 18% di e personanan ta manifesta condicion serio of critico.

Pa por papia di probabilidad di a wordo contagia cu e coronavirus, e persona mester:
– A bishita den e ultimo 2 simanan un pais of region unda tin e conoravirus circulando.
– Lo a bay den contacto cu un persona cu a wordo confirma cu COVID-19.
Paisnan cu tin riesgo grandi pa transmission activo di e coronavirus ta China, Zuid Korea, Italia, Iran y Japan.
Kiko mester hasi si bo ta pensa cu bo tin e virus?
Si bo desaroya sintomanan similar na griep y recientemente a bishita un region di contagio of a bay den contacto cu un persona cu a wordo diagnostica cu e malesa COVID-19 ta recomenda pa tuma contacto telefonicamente cu bo dokter di cas y no bai personalmente na su consultorio.
Con e virus ta wordo transmiti?
E transmision di e virus ta pasa di hende pa hende via e particulanan (dropplets) di un persona cu ta sintomatico ora e tosa of niester.
Ta posibel pa traspasa e virus aunke bo no ta sinti malo?
Tin casonan raporta cu un persona cu ta contagia cu e virus y no a presenta ningun sintoma. Gran cantidad di hende cu a wordo contagia ta sinti e sintomanan leve.
No ta conosi ainda con largo e virus ta keda bibo pafor di e curpa humano.
Si un persona wordo contagia cu e virus, e persona lo no ripara esey mes. E sintomanan ta manifesta su mes te despues di algun dia (entre 2 pa 14 dia).

Bo lo por wordo contagia door di e virus un biaha mas si bo a wordo contagia caba?
Si bo a wordo contagia pa e virus caba, e ora bo no por wordo contagia di nobo. Bo sistema inmunologico ta reconoce e virus.
Con peligroso ta e virus?
No ta conosi con peligroso e virus aki ta pero di esnan cu a wordo infecta cu e virus, 3.4% a fayese. Mayoria di esnan cu a fayese tin un condicion di enfermedad existente. Mayoria di hende ta cura di e coronavirus. Di tur persona actualmente infecta mas o menos 18% a sufri cu kehonan severo.
Aki nos ta papia di hendenan unda e corona virus a wordo constata. Den realidad por tin mas hende cu a wordo infecta cu e virus y eventualmente a cura caba di e virus.
Ta existi un tratamento pa cu e virus?
Na e momento aki no tin un tratamento farmacologico of remedi oficial contra e corona virus, pero nan ta trahando riba un. E unico cos cu dokternan por hasi awor ta pa combati y alivia e sintomanan serca personanan confirma cu COVID-19, por ehempel juda personanan cu tin keho di dificultad pa hala rosea por medio di suministracion di oxygeno.
Tin un vacuna contra e virus?
Diferente organisacion incluyendo World Health Organization y e autoridadnan cientifico, ta trahando sumamento duro y investigando maneranan pa jega na vacuna y tambe metodonan pa combati y mitiga e coronavirus. Esaki lo tuma tempo prome cu e vacuna ta disponibel.

Pa cualkier informacion aditional of pregunta, por contact Directie Volksgezondheid na 522-4200 y puntra pa nos seccion di Malesanan Contagioso.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.