E programa conoci riba Magic 96.5 FM, Arubanita Quiz Show, ta bek den aire. A peticion general y cumpliendo cu e deseo di varios oyente, a dicidi pa trec’e den un forma di entretemimento educativo na radio un biaha mas.
Esaki lo ta durante e siguiente lunanan, pa celebracion di dia nacional di Aruba esta maart y aniversario di Magic 96.5 FM na april. Sintonisa Magic 96.5 FM tur diahuebs, cuminsando 5 di maart, di 6pm-8pm pa disfruta di Arubanita, presenta door di Meneer Addonsito Croes y Erin Croes.
Arubanita, conoci como un parti di e programa di Na Drempel di Fin di Aña, a gana hopi popularidad entre oyentenan. E ta un programa interactivo caminda mester contesta preguntanan tanto di Aruba como internacional, preguntanan educativo, y tambe charada pa laga oyentenan pensa.
Famia y amistadnan ta reuni durante e programa y disfruta di e preguntanan pa kibra cabes.
Un danki special ta bay na e patrosinadornan cu ya a pone confiansa den Arubanita y asina haci’e posibel, entre nan SETAR, Super Food Plaza, Kooyman Megastore y Kok Optica. Magic 96.5 FM ta invita un y tur pa sintonisa Arubanita tur diahuebs pa un rato ameno y alabes participa pa gana premionan fabuloso, manera gift cards di Super Food, Kooyman, dinners, placa cash y mucho mas. Sigui Magic 96.5 FM riba Facebook pa keda informa di cualkier update di Arubanita Quiz Show.
