fbpx
November 29, 2022

Biba Bida ta invita tur nos grandinan pa un Koffie y Expo dia 11 di maart

Share on Facebook
Share on Whatsapp
0
0
Biba Bida ta invita tur nos grandinan pa un Koffie y Expo dia 11 di maart
Biba Bida ta invita tur nos grandinan pa un Koffie y Expo dia 11 di maart

Biba Bida, programa pa nos grandinan (65 plus) di Cruz Cora Aruba ta preparando pa su prome actividad di 2020. Esaki ta un aña hopi importante pa Biba Bida ya cu e tin un programa hopi varia y practico pa e grandinan, entre otro: Workshops tocante uso di Smartphones, Disaster Training, curso di First Aid & CPR, Aqua Zumba etc.
Diaranzon, 11 di maart lo tene un Expo na Cruz Cora Dakota unda e grandinan por bebe un koffie, y wordo introduci na e actividadnan di henter aña. Lo tin un Expo cu lo representa cada actividad cu splicacion y na mes momento por registra tambe pa cada uno. Esaki lo tuma lugar entre 9’or y 11’or di mainta.
Biba Bida tin principalmente como meta pa prepara nos grandinan pa yuda nan mes, specialmente si nan ta biba nan so. Con pa prepara pa situacionan di calamidad, pa nan ta activo socialmente, crea nan circulo di amistad y busca recreacion.
Cruz Cora Aruba ta invita tur nos grandinan cu tin interes pa join pa atende e Expo diaranzon 11 di maart, 9’or na Cruz Cora Aruba, Pedro Gallegostraat 12, Dakota.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.