fbpx
December 08, 2022

Intencionalmente a cende auto na candela

Share on Facebook
Share on Whatsapp
0
0
Intencionalmente a cende auto na candela
Intencionalmente a cende auto na candela

Un acto di vandalismo/ destruccion serio a tuma luga den oranan di marduga na un cas situa na Piedra Plat.

Un vehiculo staciona den cura a keda destrui despues cu persona (nan) desconoci a drenta cura y cende e auto na candela. Tur cos a keda capta door di e camara di seguridad cu tin instala na e cas. Ta considera esaki un acto serio mirando cu por a causa un daña mas grandi no solamente na cas pero principalmente na bida di e persona (nan) cu ta biba eynan.

Victimanan di e acto aki a actua rapidamente, a saca slang di cas y a paga e candela mesora. Na momento cu Brandweer a presenta, candela a keda domina pero asina mes a tira un bista pa sigura e situacion.

Tin cu remarca cu e material di video ta den man di autoridad cu lo bay haci nan investigacion pa saca afo ken ta e ( esnan ) responsabel y kico tabata  intencion y/o motibo tras di e acto di destruccion aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.