fbpx
December 02, 2022

D22 Cycle & Paint hunto cu Camacuri Harley Davidson Club Aruba ta organisa prome “King of the Ring”

Share on Facebook
Share on Whatsapp
0
0
D22 Cycle & Paint hunto cu Camacuri Harley Davidson Club Aruba ta organisa prome “King of the Ring”
D22 Cycle & Paint hunto cu Camacuri Harley Davidson Club Aruba ta organisa prome “King of the Ring”

Dia 15 di Maart lo tuma luga e evento di “King of the Ring”, unda cu pa lunanan D22 Cycle & Paint tabata prepara pa esaki. Nan a sinta hunto cu Camacuri Harley Davidson Club Aruba p’asina logra haya Palo Marga. E evento di e dia aki lo bay ta “tournament event”, unda cu bikers ta bay drift y pone show pero tambe lo competi 1 contra 1 te ora e ultimo keda y ta “King of the Ring”.

Lo tin premio pa e number 1, premio cash y a haya varios sponsor, segun Shakyll Lourens, manager di D22 Cycle & Paint. Lo bay tin regalo di sponsornan p’e participantenan cu yega leu of gana. Ta bay tin un “champion belt”, kiermen esun cu sali e “King of the Ring” lo haya e titulo. Tur aña e lo mester defende e titulo p’e proximo eventonan cu lo tin. Esaki ta e prome “King of the Ring” y ta spera cu por yena e schedule hunto cu Palo Marga pa tin e evento aki mas biaha. Tur aña e evento lo bini bek. Ta mustrando cu e ta bayendo exitoso, e reaccionnan riba Facebook ta hot, y e reaccionnan rond Aruba ta hopi positivo.

Hunto cu Camacuri Harley Davidson Club Aruba a cuminsa hinca e evento den otro. Pa motibo cu tur aña nan tin ride di 18 di Maart a yega na un acuerdo. Dia 15 di Maart lo cuminsa cu D22 Cycle & Paint na Cumana band’i Kooyman. “Nos lo bay cu e ride straight Palo Marga y eynan evento lo cuminsa cu caredanan di Harley, caredanan di sport bikes, caredanan di scooter”, el a bisa. Despues di esey lo tin rancamento, drift show, gewoon freestyle durante tur e caredanan.

Lo sigui p’e evento principal, esta “King of the Ring”, y esey lo bay tin luz, musica. MC Encho di Corsou lo ta presente e anochi aki. Ta gradici na tur sponsor cu a yuda y duna sosten na e evento aki, pero tambe Next Revolucion pa nan sosten di semper y a yuda cu un sponsor di “valvuet line”. Cada participante a ricibi un “valvuet line”, azeta y oil filter.

Shakyll Lourens ta invita pueblo di Aruba pa yega dia 15 di Maart. E evento lo ta algo fenomenal, lo tin hopi show, cu participantenan di Hulanda, Corsou y Aruba. Na porta e entrada lo ta 20 Florin y muchanan menos cu 10 aña lo drenta gratis.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.