fbpx
November 28, 2022

Exclusivo: Paradero di e amigonan deteni di Pau ta conoci

Share on Facebook
Share on Whatsapp
0
0
Exclusivo: Paradero di e amigonan deteni di Pau ta conoci
Exclusivo: Paradero di e amigonan deteni di Pau ta conoci

Hopi incertidumbre bibando entre famia y amigonan, no solamente di paradero di Paulus “ Pau “ Martijn pero tambe di e tres amigonan cu a subi boto “Rosalia” y sali rumbo lama grandi en busca di e piscado cu a keda perdi riba lama.

Confusion grandi tabata tin pa cu informacion di nan situacion y/o detencion y si acaso esaki lo a tuma luga na Venezuela of no. Na prome instante tabata papia cu e boto lo a keda captura y/o tabata rumbo Venezuela. Pero tur cos ta indica cu nan tabata dirigiendonan mes rumbo Colombia pero a baha na Castilletes.

Confirmacion a drenta awe mainta cu e tres amigonan aki, Stamper, Vos y Laveist ta deteni na Castilletes y cu ta pendiente nan liberacion den oranan/dianan nos dilanti.

Den oranan di mainta a drenta informacion cu a logra localisa e amigonan aki na Castilletes No3 cu ta keda entre frontera di Venezuela y Colombia. Testigo a indica na 24ora.com cu e boto encuestion lo a embarca y mara na un pier na costa. Un campesino lo a topa cu nan na momento cu na a baha na tera. A atende cu nan, ofrece nan cuminda y un rato despues Guardia Nacional a yega y deten’e e tres amigonan aki.

Imagen exclusivo pa 24ora.com ta ilustra e boto “ Rosalia” mara na pier na Castilletes unda nan lo a yega. Potret ta saca awe mainta y for di akinan lo continua averiguacion di e Rubianonan deteni na e momentonan aki.

Ta informa tambe cu lo ta pendiente na e momentonan aki pa un teniente cu mester yega pa atende cu nan. Intencion ta pa sigui e situacion di cerca pa asina ricibi imagen di e tres detenidonan aki y asina trankilisa tanto famia como comunidad cu ta sumamente preocupa pa nan paradero y situacion.

Den pueblo tin papia cu nan lo keda den libertad un rato pa otro pero no ta informacion cu ta confirma oficialmente. Detayenan adicional manera cu si nan lo laga nan sali cu e boto of no, tampoco no ta conoci pero contacto ta estableci y lo haya e informacion un rato pa otro.

Contacto cu abogado y autoridad di Castilletes tambe ta andando pa asina por informa comunidad asina cu drenta cualkier update mirando cu contacto cu e tres personanan aki ta practicamente imposibel. Keda pendiente pa mas informacion cu lo drenta na cualkier momento.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.