Directiva di S.V. R.C.A. kier a gradici prensa en general cu a cubri e evento aki cu participacion di mas di 900 atleta. Ya for di 4:30 AM tabatin varios participante presente na club hasiendo nan warm-up.
E careda a start pa 6or di mainta y 5 minuut despues a saca “Youth 3.5K Run”,edad 14 y 15 aña.
Pa 7:30 AM e Subway Kids Run, 4 pa13 aña a start. Hopi mayor tabata presente pa apoya nan yiunan. Trofeanan pa tur categoria a wordo entrega y tambe Afl. 500 en efectivo a wordo rifa bou di tur e participantenan cu tabata presente.
S.V. R.C.A. ta spera cu pa otro aña celebrando e di 10 edicion di Powerade Run & Fun Walk di por conta atrobe cu e sponsornan. Un gradicimento special ta bay pa Cuerpo Policial, Volunteer Motor Unit, Rode Kruis, Ibisa, Patrishi Sports, 297 Sport, Sportzone Aruba, MC Roberto Geerman, Thrill Walkers, Team di Masajista, Kini-Kini Tours y tur boluntario y otro sponsornan. Un danki masha special na Tropical Bottling Company cu su producto campeon “Powerade” y na Subway cu e mihor “Subs” na mundo. Sin nan nos no por a logra un otro evento cual ta un fundraising masha importante pa nos organisacion. Nos ta hopi satisfecho cu e resultado final.
Ganador absoluto 8K Masculino: Alexander Hodge.
Ganador absoluto 8K Femenino: Lana Robert
Ganadornan 3.5K: Javen Maduro y Dixien Saavedra
1500 M 12 pa 13 anja: Jayderick Geerman y Vera Bakmeyer
1500 M 10 pa 11 anja: Wyndel Beyde y Kiana Vrolijk
800 M 8 pa 9 anja: Kymani Hazel y Emma Robert
400 M 6 pa 7 anja: Julian Dijkstra y Evie Adele Leonardo
400 M 4 pa 5 anja: Milan Pimienta y Zynalee Arends
Team Relay 8K: J.J. Runners (Jowen y Jaiden) Ganador Masculino
Team Relay 8K: Prendido y Prendida by THRE (Andre y Sharlaine) Ganador MixTeam Relay 8K: Britta Apersteeg on Fire (Britt y Aniek) Ganador Femenino
