Diahuebs atardi na e crusada di Emma y Emanstraat ta sosode un accidente entre dos vehiculo pa falta di preferencia. Chauffeur masculino di e hyundai van a subi e crusada sin a duna preferencia dal basta duro den e hyundai santa fe. Debi na e impacto e señora coriendo den e santa fe a resulta herida cu sla na cabes. Trafico tabata pega pa un momento riba Emanstraat. Roadservice a presenta pa tuma dato y unidad di ambulance a presenta pa atende cu e victima. Despues a notifica polis di trafico di e accidente.
