For di madre patria hulanda a drenta informacion oficial diabierna merdia di cancelacion di celebracion di Arubadag. Den un discurso dirigi na tur media na Aruba, Minister Plenipotenciario Guilfred Besaril a duna motibo/ circumstancia cu a pone organisado y Gobierno tuma un decision asina drastico.
“Mirando e hecho cu informe a drenta di un prome caso lamentabel di fayesimento acausa di e malesa corona virus” ta locual cu Minister Besaril a habri su discurso cu ne. Cu palabranan di sincero condolencia na famia di e defunto ta sigui elabora riba e informacion.
Pa locual ta trata e situacion, ya pa basta dia caba tabata monitoria tur cos pero e ultimo tres dianan e casonan detecta na Hulanda a triplifica y en bista di e informacion ricibi di autoridadnan competente di Gobierno Hulandes a denta diabierna mainta hunto cu conseho di minister na Aruba a drenta den reunion pa delibera kico ta futuro inmediato pa arubadag 2020.
Amigo y amiganan e tabata un descicion caminda Gobierno di Aruba y Minister Plenipotenciario Besaril tabata hopi conciente di e responsabilidad social pa tanto esnan cu ta bishita e evento ( cifra riba 6 mil hende ) como tambe e responsabilidad pa e artistanan como tambe esnan cu ta contribui pa e espectaculo ta un exito, ta locual Minister Besaril a declara.
Responsabilidad na tur esnan cu bishita e evento por regresa nan cas bek den perfecto estado di salud. Mirando cu esey ta algo cu den e cargo di Minister Plenipotenciario e no por garantisa a yega na e desicion aki. Un desaroyo alarmante cu a cuminsa afecta mundo di aviacion, hoteleria, horeca na Hulanda. Un realidad cu ta biba minuut pa minuut y di cual ta monitoria constantemente prome cu yega na un desicion.
Mirando e prome caso di fayesimento a rais di e virus pero tambe con e la desaroya su mes no ta haya cu ta social responsabel pa ehecuta un evento di cual lo tin mas di 6 mil bishitante presente.
Un decision dificil pa informa cu ta pospone Arubadag cu mester a tuma luga dia 29 di maart proximo, pa un otro fecha na momento cu autoridadnan competende duna indicacion cu ta safe pa por aglomera un cantidad di hende asina grandi.
Minister Plenipotenciario Guillfred Besaril ta pidi comprencion pa e desicion tuma, pa e pueblo sa cu di curason ta desea cu ohala corona virus no tabata existi, cu nos no tabata den un situacion manera cu nos ta awo aki na Europa, ohala lo tabata diferente.
Na e momentonan aki, como Gobierno responsabel, como Gobernante cu a promete di pone e bienestar di nos pueblo/ comunidad na prome luga y despues lo mira na ki manera lo celebra e orguyo di ta Rubiano, cu un desicion asina dificil pa pospone.
Mientrastanto a drenta den combersacion caba cu diferente partner, manera KLM y hotelnan pa y proximo cu e venue Ahoy pa un otro fecha. Tur esaki na momento cu corona virus ta bou di control tanto na Hulanda como Europa sigur lo fiha esaki pa asina e celebracion continua.
De momento ta haya responsabel pa bisa “Amigonan awor aki no, e lo tuma luga despues”
Danki pe comprension, danki na e comicion pa sinta hunto cu e autoridadnan local y na tur cu ta involucra y cu arduamente ta zorg pa ora efectua un Arubadag, tin un evento exitoso, pero tambe pa celebra nos Arubianismo den grandi.
