Tres siman despues cu Corte a trata e caso penal contra Aurelio Dirksz, awe mainta tabatin sentencia. Esaki a tuma luga den presencia di cinco miembro di famia di e victima, Natasho Kock.
Hues a cuminsa pa bisa cu e no ta haya haya e prome acusado “moord†(asesinato premedita of planea) proba, pero si e di dos acusacion cu ta “doodslag†(o sea el a mat’e intencionalmente). Fiscal a pidi un castigo di 14 aña.
E Abogado di e acusado a papia cu su cliente no a actua intencional den e caso aki, un ponencia cu Hues a rechasa. El a bisa cu “den e rapport psychiatrico ta para cu e acusado tabata completamente bon na su tino. E tabata sa kico e tabata haciâ€.
Rapport di Patologo ta bisa cu el a choca e señora cu hopi forsa y pa un periodo largo. E prueba di esaki ta cu su yiu muhe a trata di kita su man, pero no a logra. Tur e tempo e tabata chocando e señora. Despues e menor a rogue pa laga su mama los y e no a haci esey mesora tampoco. Pues, Hues ta bisa, ta basta rato a pasa mientras cu e tabatin e mannan na garganta di su ex pareha. Tambe ta prueba e plekinan blauw cu a keda na ambos banda di garganta di e victima.
“Loke cu bo a haci ta un delito hopi serio mes. Mi ta tumabo hopi na malo cuesaki a tuma luga den presencia di bo yiunan y bo a laga bo dos yiunan chikito sin nan mama,†Hues a bisa e acusado miran’de straight den su cara.
A base di tur esaki y e hecho tambe cu nunca antes el a wordo condena, a dicidi di castigue na 12 aña di prizon, cu ta dos menos cu loke Fiscal a demanda.
Un parti di e demanda financiero di famia di e victima tambe a keda otorga,
Caso
Tratamento di e caso aki a tuma luga tres siman pasa, unda cu a resalta e forma con e acusado den un atake di jaloezie cu su ex lo a haya un otro amigo, a pon’e cu el a drenta e cas pa reclam’e. Den e momentonan ey el a perde cabes y a cuminsa choca e señora. Esaki a sosode cu su yiu muhe mirando y splicand’e pa laga e mama bay, manera por lesa den e articulo publica anteriormente. Click AKI pa mas.
