fbpx
November 29, 2022

Chauffeur burachi a pasa den verboden dilanti warda y accidenta den Dakota

Share on Facebook
Share on Whatsapp
0
0
Chauffeur burachi a pasa den verboden dilanti warda y accidenta den Dakota
Chauffeur burachi a pasa den verboden dilanti warda y accidenta den Dakota

Algo prome cu 3or di marduga diasabra a sosode un accidente den Caya Milio Croes.

Un chauffeur hopi burachi a dal den un cura y causa basta daño na e cura, auto y meter di awa. E mesun chauffeur ey tabata wordo busca pa Polis.

Net un minuut of algun seconde prome el a pasa manera un avion bay ariba den verboden dilanti warda di Polis den Wilhelminastraat.

Polisnan a sali cu dos unidad pa asina mira si por yega e auto Toyota Camry A-75651. Despues di un buskeda a bin topa cu e auto pero accidenta den Dakota.

Den Caya Milio Croes e careda di e auto cu a pasa cu velocidad di avion dilanti warda den verboden a termina. Polis a detene e chauffeur. A avisa e instancianan manera WEB etc pa bin atende cu e meter di awa kibra.

Despues cu dogcatcher a hiba e chauffeur deteni warda, el a cuminsa keha di dolor na cabes y tambe lomba. A pidi ambulance pa bin warda atende cune.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.