fbpx
November 29, 2022

Prome caso confirma di Coronavirus na Colombia

Share on Facebook
Share on Whatsapp
0
0
Prome caso confirma di Coronavirus na Colombia
Prome caso confirma di Coronavirus na Colombia

Colombia a confirma su prome caso di Coronavirus awe diabierna, uniendo asina na varios otro pais Latinoamericano, cu entretanto ta purba maneha e virus cu ta contagia mas y mas ciudadano. E prome caso ta un mucha muhe di apenas 19 aña di edad cu a caba di yega Bogota for di Milan, Italia, dia 26 di februari ultimo.

Mester bisa cu Colombia a haya su mes confronta cu decenas di casonan sospechoso den varios ciudad, pero despues di somete testnan, a resulta cu ningun tabata casonan confirma di Coronavirus. Den e caso aki si e pashent a acudi na servicionan di salud na Bogota pa busca ayudo y eynan si a confirma cu e sintomanan cu e tin ta di Coronavirus, pa cual awor ta manehando e protocol y tin e pashent isola.

Ta bon pa menciona cu Colombia ta un mercado creciente pa Aruba, cu 2 vuelo diario for di Bogota cu Avianca, vuelo cu Latham y cu Wingo. Ademas nos tin Aruba Airlines cu ta biaha semanalmente pa Baranquia y Medellin, despues cu recientemente a cancela e vuelonan directo pa Riohacha. Ainda tin varios alternativa via Panama cu COPA Airlines, den cual por haci conexionnan pa varios ciudad Colombiano. Bisando esey, diariamente avionnan ta yegando Aruba for di Colombia, sea cu turistanan of cu nos propio localnan cu ta bay pa vakantie, pa haci negoshi of pa bishitanan medico.

Tocante Coronavirus

E virus a nace y cuminsa na Wyhan, na China, na fin di aña pasa y entretanto a infecta mas o menos 100 mil hende mundialmente. Di acuerdo cu World Health Organization (WHO), a raporta e enfermedad den mas di 90 pais caba y e nivel di morto pa motibo di e enfermedad ta cerca di 3400 pashent.

Locual Bo mester sa di Coronavirus:

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.