Cees Tabac a tene un lectura y exposicion na Biblioteca Nacional y e ta conta con el a cuminsa cu su carera, como un hoben a descubri fotografia y den un lucha a traha pa subi den un estudio den academia y e industria di musica cu potretnan funk.
Tambe cu otro retratonan y con cu experiencia ta mehora y semper tin e sentimento cu bo por y cu tin e gevoel cu bo ta bezig cu algo di loke bo ta bay eherce.
Spaak a sigui splica cu e ta mira e diferente color di hende, hendenan cla y hendenan color scur. Tur cos ta bin hunto. Tambe tin hopi hende cu ta bin di otro continente. Naturalmente tin hopi Hulandes na Aruba. Tambe tin hende cu door di e calor, ta bisti mas “luchtig”. E no ta solamente sexy pero e ta mustra diferente compara cu bistimento di pañanan di winter na Hulanda, cual ta fotografia esaki diferente.
Hendenan ta gentil y accesibel. Hende ta laga nan mes saca potret facil, aunke cu nan ta custuma di laga mes wak.
Cees Spaak ta scoge semper potretnan blanco cu preto. E ta hopi adecuado pa potret. Semper e tabata asina y nunca lo cambia. E caracter den e potret ta keda miho. Bo ta mira algo diferente den un potret blanco cu preto.
E conocido periodista Maritza Maduro tabata tey presente na e exposicion y lectura di Cees Tabac. Cees Tabac tin algun aña biba na Aruba y a trece dilanti kico ta inspira cada fotografo na momento cu ta bay saca un potret. Sea cu ta saca potret di hende, saca potret comercial of di prensa.
Tin e sentimento cu loke bo kier keda pa resalta den cada imagen cu bo capta.
Lens di mi wowonan
Leo Vrolijk ta organisa tur aña un exposicion di fotografia, Cu tipo di exposicionnan asina, ta purba di atrae e miembronan di prensa, no solamente pa amplia nan conocimento, pero cu cada un di e eventonan aki nan ta siña un cos nobo. Nan ta amplia e forma cu nan ta presenta nan trabao tambe.
Tur hende por saca un potret awendia. Manera Cees Tabac a trece dilanti, ta e sentimento cu bo ta hinca den un potret tambe. Un potret por bal mas di mil palabra. Bo por tin un articulo cortico of largo, interesante, pero si bo no tin un imagen cu ta capta e atencion, e ta bay perdi.
Semper fotografia ta keda importante den prensa.
Kico lo sigui
For di awo aki caba tin un invitacion pa fotografonan, cu na september lo bay tin un otro exposicion di Leo Vrolijk y e organisacion E Lens di mi Wowonan. Ya caba ta bon pa hala tur loke ta e trabaonan y trata den e periodo aki cu falta, capta e imagen di mas bunita den boso carera.
Fotografo Teo Lopes tambe tabata tey presente durante e lectura. E mes a haci un research riba Cees Tabac y a mira cu toch tabata tin un hende basta conoci. Ora cu el a mustra su potretnan cu el a saca, vooral di e artistanan di accion, a haya hopi great y e manera con e ta mira fotografia tabata hopi interesante.
Pa Tabac, esaki no ta un simpel profesion. Loke e tin den dje, e ta sak’e afo por medio di su camara.
Teo Lopes mes tin basta tempo ta sacando potret. E unico cos cu ta cambia ta tecnologia. Pero e resto bo tin’e den bo. E artistica ta keda den bo y esey ta keda den bo.
