
Organisacionnan ta cla, departamentonan di gobierno ta cla, scolnan ta cla pa e iniciativa mas grandi na Aruba pa e dianan 13 y 14 di maart proximo. ARUBA DOET a wordo crea pa uni e pueblo riba e isla como tambe rond mundo cu e comunidad.
E iniciativa aki a wordo inicia pa e Nederlandse Oranje Fonds na 2013, hunto cu e islanan ruman den Caribe. Den e siguiente ocho añanan, den cooperacion cu CEDE Aruba, rapidamente el a bira un di e eventonan di boluntario mas grandi riba e isla.
Tin diferente organisacion independiente y companianan participante: Por a mira banconan duna di nan parti door di schedule oranan flexibel pa nan trahadonan, mientras cu instancianan di hospitalidad ta sirbi e comunidad door di provee cuminda y bebida.
Y loke ta haci e evento aki un exito ta e miles di boluntarionan cu ta uni na e famia aki tur aña. Hendenan di tur edad y antecedente cultural, ta tene man pa haci un diferencia, ta e epitome di loke nos isla feliz ta para p’e. Esaki ta keda refleha door di un comunidad Arubiano gradicido na final, pero tambe e placer cu ta wordo comparti pa e participantenan generoso.
Como boluntario no solamente bo ta contribui na e comunidad, pero tambe lo bo haya chens pa participa den un proyecto cu ta trece hende hunto.
Abo por scoge di e sin fin di proyectonan di ARUBA DOET, door di join y comparti. Bishita www.arubadoet.com y haya e tarea cu mas ta na bo conviniencia y bo schedule. E actividadnan ta varia. Asina ta abo tambe por contribui na un bon causa. Tin pa tur hende cu kier yuda.