E droga cu a keda confisca riba e barco Aressa algun dia pasa a ser kima. Ta un hayasgo di mas cu 5000 kilo di droga. Kustwacht di Aruba den cordinacion cu autoridad Colombiano a traha riba e caso. Mescos cu e lotenan miyonario den otro hayasgonan, a yega e momento di kima e droga aki.
A kima un total di mas cu 5000 kilo. Bou vigilancia estricto a logra pone e droga marduga riba trucknan militar y bou vigilancia tambe a core bay direccion di e tereno di e refineria. Mesun caminda a kima e droganan aki y esnan anterior.
Na e entrada tabata di Polisnan arma den nan auto scondi y tambe paden e personal di Polis y Militar tabata arma. Asina a deshaci di e droga cu tabata e hayasgo di mas grandi cu a yega di gara como pais Aruba.
