fbpx
November 29, 2022

Anochi di informacion na Colegio EPI diabierna 13 di maart 2020

Share on Facebook
Share on Whatsapp
0
0
Anochi di informacion na Colegio EPI diabierna 13 di maart 2020
Anochi di informacion na Colegio EPI diabierna 13 di maart 2020

Colegio EPI ta organisa diabierna 13 di maart su anochi di informacion 2020 caminda lo duna informacion valioso na tur studiante di scolnan secundario. E anochi di informacion lo tuma lugar di 5:30 p.m. pa 8:00 p.m. den e Auditorium di Colegio EPI, caminda cu lo tin varios booth di informacion di e diferente opleiding/formacionnan cu EPI ta ofrece.

Ademas cada unidad lo tin nan presentacion individual cu  ta parti den dos sesion, esta di 6.00 p.m. pa 6.45 p.m. y di 7.00 p.m. pa 7.45 p.m. den e siguiente localidad:

Unidad C&T: lokaal CT10

Unidad H&T: lokaal CT11

Unidad S&S: lokaal CT 12

Unidad Economia: lokaal CT13

E entradanan pa e anochi aki lo ta GATE 10 ( banda di MC Donald’s) y GATE 9 (dilanti Prinses Amalia Basisschool).

Meta principal di e anochi di informacion ta pa informa studiantenan di scolnan secundario EPB, MAVO y HAVO tocante e opleidingnan/formacionnan cu tin na Colegio EPI y kico ta e rekisitonan di admision. Ta importante pa tene na cuenta cu pa wordo acepta pa un opleiding mester cumpli cu e profiel cu e opleiding ta exigi. Colegio EPI ta encurasha mayornan tambe pa bin cu nan yiunan pa asina duna guia y sosten den nan decision pa scoge un estudio.

Ora un studiante caba Colegio EPI e ta un profesional riba nivel intermedio (MBO). Hopi studiante ta dicidi cu nan kier sigui studia despues riba nivel HBO. Durante e anochi aki e studiante por haya mas informacion tocante esaki y tambe lo tin oportunidad di papia cu studiantenan actual di Colegio EPI y nan experencia na scol.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.