Banda di e BBOnan cu Gabinete Wever Croes a redobla di 3% pa 6% cu a causa un inflacion hopi grandi, awor gobierno ta bin cu un otro BBO adicional den forma di invoerrechten di 6% na frontera. E momento cu bo importa bo producto, bo lo paga, banda di e invoerrechten vigente riba e producto, un 6% adicional di BBO. Supuestamente, esnan cu importa y despues rebende, por desconta e 6% di e BBO cu a paga na momento di importacion for di e BBO cu nan ta paga ‘riba tera’.
Pero pa tur cu no ta rebende, sea cu ta importa pa uzo personal of pa negoshi, esaki ta aumento dramatico di tarifa di importacion. Hasta pa e comerciante cu ta bay bende su produtco, e lo mester pre-financia e 6% di BBO nobo aki sin garantia cu su producto lo bende pa e por descont’e. E riesgo aki sigur lo termina den e prijs y lo keda multiplica den tur e schakelnan cu ta sigui.
E efecto lo ta hopi malo pa economia y poder di compra di pueblo segun Raad van Advies: “De voorgestelde wijzigingen zijn naar ’s Raads mening – qua gevolgen – ingrijpend voor zowel de ondernemer alsook de burger”. Tambe Raad van Advies ta bisa cu e aumentonan aki lo afecta e clima di inversion na Aruba negativamente: “Het is aannemelijk dat de voorgestelde wijzigingen in de inkomsten en winstbelastingsfeer, Aruba minder aantrekkelijk maken voor investeerders”.
Raad van Advies ta hopi preocupa cu e efectonan inflatoria di e medidanan nobo aki: “Bovendien zullen de voorgenomen verhoging van de deviezenprovisie en de heffing van BBO, BAVP en BAZV bij invoer een inflatoir effect hebben en leiden tot koopkrachtverlies”.
Tambe Raad van Advies ta mustra gobierno cu tin otro manera pa yega na un presupuesto balansa cu no ta cada bes mas medida, pero gobiero lo por corta gasto. Por corda cu CAFT tambe a bisa esaki na diferente ocasion mustrando Gabinete Wever Croes cu ya den su salida na 2018 a subi gastonan di gobierno cu mas di 100 miyon compara cu Gabinete Mike Eman.
Raad van Advies ta bisa: “Het vehogen van belastingen is niet de enige oplossing om tegemoet te komen aan de afspraken omtrent verduurzamen van de overheidsfinancien. Ook maatregelen om de uitgaven van de overheid terug te dringen zijn noodzakkelijk”. RvA: De voorgestelde wijzigingen leiden naar de mening van de Raad tot een verdere opeenstappelijng van belastingregels.
Raad van Advies ta desconseha e proposicion aki y practcamente tur e otro cambionan tambe nan ta mira negativamente y ta conseha gobierno pa no sigui cu e pakete di medida aki.
