Ora cu Aruba a kere cu Polis y Warda Nos Costa lo tin e autoridad pa garantisa siguridad di nos isla, nos ta bon ekiboca. Awendia e ilegal cu ta haci malo riba nos isla tin mas derecho cu e stranhero legal of te hasta e yiu di tera. Nan ta pidi asilo y stuur auto burachi, dal auto kibra y djey haya libertad siendo di ta ilegal un aña caba. Asina por sigui menciona cantidad di casonan cu diariamente autoridad ta pasando aden.
Ainda por corda cu a suspende Polis pa dos dama cu a para na patruya y awe ilegal nan ta dal auto bebi y haya libertad mientras cu tin Polis na cas riba ordo di Minister Andin Bikker y Mando Policial. Tur esaki ta danki na e maneho di Minister Andin Bikker como Minister di Husticia cu ta cera wowo y orea pa e realidad.
Despues cu e dos hende muhenan y e homber a yega Warda Nos Costa, ambos señora a haya libertad mesora pasobra nan tin peticion pa asilo algun luna caba aden sin cu por haya contesta ainda di DIMAS. E dos muhenan cu a bay liber caba ta Samantha Nadiuska Santana Marquez naci na Venezuela 11-7-1987 y conoci como “Carolina di Patruya 37”. Dia 10 di Februari e lo a yega Aruba na 2019 a pidi asilo dia 12 di Juli 2019. Samantha alias Carolina a haya 30 dia ora el a drenta Aruba. Nan tin un procedura na DIMAS caminda cu ta stempel e peticion pa asilo tur luna mientras ta warda keto bay. Djey ta mira si nan ta haya e contesta positivo of negativo. E otro señora Luzmary Nohemy Irausquin Montes tambe ta naci na Venezuela dia 23 di November 1990 y tambe a yena papel pa asilo. E tin casi un aña na Aruba y ta ilegal. Na october 2019 el a pidi asilo mientras cu el a drenta Aruba 27 di maart 2019. El a haya dos dia solamente pa keda Aruba cu e placa cu e tabatin y a drenta via un vuelo di Corsou y nunca mas a sali y pidi asilo algun luna despues di a yega Aruba. E homber Venezolano deteni hunto cu nan dos tambe a pidi papel di asilo awe. E si a keda cera mientrastanto.
E solo hecho cu ta laga e hendenan ilegal aki bay liber cada biaha asina, ta cayendo den masha mal tera cerca Warda Nos Costa. Hende di DIMAS a bisa cu mester laga nan bay pasobra tin peticion pa asilo. Ultimamente Warda Nos Costa ta tene accion pisa, di cada dies Venezolano cu nan gara trahando sin permiso, cinco of seis ta saca papel di asilo y djey no por tene nan na Warda Nos Costa. Awor aki ta cargando awa hiba lama den cada accion. Un peticion di asilo tin mas balor cu un permiso mes. E articulo 19 ta duna nan un derecho increibel como stranhero ilegal riba nos isla. Tin un cantidad di hurista trahando na DIMAS solamente pa atende cu peticion di asilo. Cada biaha na DIMAS ta duna nan extra stempel y rek nan derecho cu tur consecuencia pa nos isla. Mescos e guy di atraco di joyeria tambe tabatin papel di asilo cune.
E forma cu gobierno of Minister di husticia ta purba tapa su maneho si ta algo di cuestiona. Con cada biaha ora haci Minister pregunta e ta mandabo di cashi pa muraya.
Si repasa e historia di e dos damanan di Patruya 37 por bisa cu ambos tabata ilegal. Esun cu ainda ta ilegal na Aruba ta Samantha Santana Marquez Nadiuska naci na Venezuela 11-7-1987. E otro cu tabata cune na e patruya 37 e dia cu a filmanan ta Jennyreth Josefina Gonzalez Gomez naci na Venezuela 11 di Juni 1993. E tambe tabata ilegal pero a bandona Aruba caba y a biaha pa Corsou e tempo ey. E otro cu a filma tambe ta amiga di e dosnan para na patruya. Ta trata di Luzmary Nohemy Irausquin Montes tambe ta naci na Venezuela dia 23 di November 1990. E tambe tabata den e auto accidenta na Drive Inn diadomingo ultimo.
Straño cu por zona pero un mama cu tin yiu menor ta keda deteni cu mesun documento. Ta ranca e mama for di e yiu chikito y tene cera. Hues mester a duna ordo pa lage bay y asina por yega bek na su yiunan menor. E grupo di Patruya 37 ta cana rond na Aruba haciendo trabounan straño, causa accidente bebi y sin rijbewijs y ata nan liber. Lunanan largo ta cana rond cu e peticion pa asilo pasobra no ta haya contesta di e comision of DIMAS. Interesante pa sa ken ta esun responsabel na DIMAS cu ta presta su mes pa duna e previlegio na e grupo di stranhero aki cu ta haciendo tur tipo di trabou raro conoci na Aruba.
