fbpx
December 08, 2022

Studiantenan di Universidad di Aruba a “walk out”

Share on Facebook
Share on Whatsapp
0
0
Studiantenan di Universidad di Aruba a “walk out”
Studiantenan di Universidad di Aruba a “walk out”

Den oranan di merdia pa atardi studiantenan di Universidad di Aruba a “walk out”. Esaki relaciona cu decision di e instituto pa retira Ryçond Santos do Nascimento.

Diferente studiante a hiba palabra, manera Gerick Croes, kende a bisa cu studiantenan ni e instituto educativo por perde un profesional academico manera Santos do Nascimento, bou di ningun circunstancia.

Studiantenan di Univerisidad di Aruba ta walkout

Studiantenan di Univerisidad di Aruba ta walkout

Posted by 24ora on Monday, March 9, 2020

Studiantenan a papia di un impacto positivo cu Santos do Nascimento tin riba nan, haciendo e lesnan hopi agradabel y motivando hobennan pa sigui cu nan soñonan. Tambe nan ta lamenta cu Universidad mes no a duna un informacion di e motibonan pakico tras di e decision di dun’e su retiro. “Pero nos ta pidi Universidad pa reconsidera nan decision pa no perhudica e studiantenan ni un yiu di tera,” e hoben studiante Christian Soto Garcia a bisa. E importancia di contribucion di e profesor aki ta cu su 100% di su studiantenan a pasa e vak di dje.

Por a compronde cu for di december a manda un carta pa Minister di Enseñansa y rectorado di Universidad. E mandatario a bisa cu lo tene consideracion cu e peticion aki, pero no tabatin dialogo te awo cu esnan concerni riba e tema aki. E studiantenan mes, loke nan sa ta loke a sali den prensa.

E studiantenan a bisa tambe di ta considera Santos do Nascimento un persona humilde, cu no ta duda pa scucha y busca conseho di studiantenan.

Den e entrevistanan aki por scucha e pensamento di e diferente studiantenan riba Ryçond Santos do Nascimento y hasta a bini dilanti cu tin hopi studiantenan cu tin miedo di participa den e “walk out” pa represalia no wordo tuma contra nan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.