fbpx
November 28, 2022

Accidente pisa na Savaneta auto a dal den cura di cas y chauffeur a keda basta herida

Share on Facebook
Share on Whatsapp
0
0
Accidente pisa na Savaneta auto a dal den cura di cas y chauffeur a keda basta herida
Accidente pisa na Savaneta auto a dal den cura di cas y chauffeur a keda basta herida

\Diaranson den careda di 1 or marduga riba e caminda principal un auto a dal basta duro den cura di cas, e impacto aki a lanta full e bisiñanan di e caya banda di Club Aries for di soño. Nan ta topa cu un auto totalmente destrui riba caminda. A bay wak si tin hende y a topa cu un homber herida den e auto sinta na banda drechi di e vehiculo y a bati alarma.

Polisnan a yega di biaha y a cera caminda, a constata cu e vehiculo aki biniendo for di pabou chauffeur a perde control pa un of otro motibo bay na su man robes dal basta duro den e cura di cas y posiblemente te hasta bolter debi e auto a keda full machika. Personalnan di ambulance a haya ayudo di brandweer pa corta e porta di auto pa saca e victima pa e paramediconan atende cune. Ta trata di un conocido cantante, segun algun persona ta papia ey bou un otro vehiculo lo a dal esaki y bay. Esaki a pone cu specialista di polis mester a presenta pa haci nan investigacion pa determina kico a pasa.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.