fbpx
November 30, 2022

Ambos dama mester presenta atrobe awe na DIMAS pa prolongacin pa peticion di Asilo

Share on Facebook
Share on Whatsapp
0
0
Ambos dama mester presenta atrobe awe na DIMAS pa prolongacin pa peticion di Asilo
Ambos dama mester presenta atrobe awe na DIMAS pa prolongacin pa peticion di Asilo

E dos damanan cu a bira conoci den e caso di Patruya 37 tin cu presenta diamars merdia na DIMAS atrobe. Esaki ta pa busca atrobe otro stempel pa prolonga nan peticion pa Asilo. Cu e peticion di Asilo nan ta move rond tur caminda. Nan bida na Aruba ya caba ta conoci. No ta aparenta hende cu nan bida ta core peliger na Venezuela. Mas bien ta usando e sistema cu tin pa keda atras na Aruba.

Por a scucha e minister bisa cu Asilo bo ta pidie ora bo baha for di avion. Den e caso specifico di e cos damanan aki, ambos a yega Aruba y keda ilegal y djey pidi Asilo. Un di nan a meld tur luna y tin seis stempel caba riba su peticion. Esaki ta Samantha Nadiuska Santana Marquez naci na Venezuela 11-7-1987 y conoci como Carolina di patruya 37.

E otro Luzmary Nohemy Irasuquin Montes tambe ta naci na Venezuela dia 23 di November 1990, tambe a haci peticion pero tin varios luna sin presenta na DIMAS pa prolongacion di su peticion. Recientemente a tende e minister ta menciona cu ta 28 dia ta dura pa por haya e contesta si e peticion ta wordo honra of e contesta ta negativo pa Asilo. E dosnan aki y hopi mas di Venezuela cu a pidi Asilo tin lunanan largo ta cana rond.

Tin cu hasta den e proceso a cay cera pa delitonan pisa. Otronan ta cana rond duna servicio pre pago y hasta chercha di nos leynan of esnan trahando como autoridad. Diamars merdia 1or nan mester presenta na DIMAS pa asina bolbe busca otro stempel pa prolonga nan peticion pendiente nan contesta. Un comision na DIMAS tin e tarea pa traha riba e peticion pero lunanan ta pasa y nada di contesta. Mientrastanto nan ta move rond hasta cu auto burachi sin rijbewijs causando accidente.

Nan a bisa tambe den un publicacion riba rednan social cu cu nan kier mira ken por sacanan for di Aruba. E leynan y derecho ta un parti pero tambe e tardansa di e comision pa tuma un decision ta e otro parti cu tambe mester sinta analisa un rato cu ta causa henter un situacion awe.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.