Diadomingo ultimo Brazil Taekwondo Stichting tabata tin un car wash pa recauda fondo. Brazil Taekwondo Stichting ta recauda fondo den forma di Car Wash, BBQ, Rifa, Kalender y sa organisa Campeonato. Tur fondo cu wordo recauda ta bay pa e atletanan por biaha pa representa Aruba Internacionalmente.
Esaki ta e unico forma cu tin pa recauda fondo unda cu e atletanan ta siña kiko ta e balor di yega na nan biahenan y si nan no bende nan no por biaha. Pa locual ta e actividadnan di 2020 tin varios evento ariba lista manera Portland Oregon cu ta na luna di April y na luna di Mei Spokane Washington.
Brazil Taekwondo Stichting ta gradici tur esnan cu a cumpra carchi di car wash sin trece nan auto pa haña briyo. Mirando e exito di e car wash, Brazil Taekwondo Stichting ta bay tin un otro car wash dia 5 di April na Centro di Bario Brazil for di 10’or di mainta pa 2’or di atardi.
