Promotornan gratamente asombra ta anuncia cu e concierto di artista local Jeon “Biggy†programa pa tuma luga dia 28 di maart proximo ta “SOLD OUT†completamente. Ta papia di un sold out den tur seccion.
For di momento cu a anuncia localidadnan di pre-benta, esaki tabata un locura total. Na varios ocacion mester a hiba carchi bek na e outletnan aki pa asina tin carchi disponibel pa e sin fin di fanbaticonan cu a forma filanan largo pa asina sigura nan mes cu nan tambe ta inclui den e anochi aki.
Di su banda Jonathan “Biggy†Thiel no por caba di gradici e publico cu a sostene e concerto aki for di prome instante cu a anuncia fecha. Preparativonan ta grandi, entusiasmo aun mas grandi y sigur den mente pa kibra tur espectativa pa locual ta e anochi aki.
Informacion cu ta circulando cu pronto lo por tin fecha pa e concierto na nos hermana Isla Korsou como tambe Hulanda. Concienrto Biggy Boy Forever a impone un stempel inmenso pa artistanan local y ta spera cu e sosten aki por crece y brinda como ehempel na tur otro cu ta sigui e pasonan di e idolo internacional Jeon pero e biaha aki como “Biggy†den presentacion di su gran exitonan den e genero cu ta inolvidabel pa hopi. Na e fanaticada cu a logra cumpra nan ticket na tempo, tene bon na dje pa asina dia 28 di maart bo canta cada un di e exitonan aki cu tur forsa y sentimento.
