fbpx
November 28, 2022

Ladron a morde victima bula parti di cachete

Share on Facebook
Share on Whatsapp
0
0
Ladron a morde victima bula parti di cachete
Ladron a morde victima bula parti di cachete

Den oranan di anochi dialuna net prome cu 10or a drenta informacion di un pelea pisa andando cu mandamento di baranca den e area di Irenestraat riba Klip. Polis di Santa Cruz pa casualidad tabata pasando eynan y a haya nan mes ta actua mesora pidiendo refuerso. A pidi tambe ambulance pasobra tabata tin un hende herida.

E problema a resulta di ta algo di ladronicia. Parce tin ladronicia tumando lugar y eynan ta caminda cu a gara of a topa cu e ladron. A start e discusion y bringamento. E habitante unda a horta a lucha cu e ladron cu na su turno a logra morde e habitante te bula un pida cachete afo. Polis a detene e ladron pa agresion serio. A hiba e ladron warda di Santa Cruz.

E victima herida tambe a keda deteni. Como ciudadano bo tambe por core e peliger di cay cera pa tipo di accionnan asina pa defende bo propiedad atendiendo cu e ladron despues riba caya. Polis a boei ambos.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.