fbpx
December 01, 2022

“Walk with a Vision” di FAVI lo ta diadomingo dia 29 di maart

Share on Facebook
Share on Whatsapp
0
0
“Walk with a Vision” di FAVI lo ta diadomingo dia 29 di maart
“Walk with a Vision” di FAVI lo ta diadomingo dia 29 di maart

Por a tuma nota cu diamars mainta clientenan di FAVI tabata canando riba Linear Park. Charlene Marchena, guia di actividad di FAVI ta menciona cu gymles ta parti di nan actividadnan semanal. Loke nan ta haci ta e parti di movecion cu e clientenan.

Un di e programanan cu nan tin ta cana riba Linear Park. Tin dia ta bay Jaburibari y otro biaha ta bay Green Corridor. Sinembargo e biaha aki FAVI kier a comunica cu pueblo algo tremendo. FAVI lo bay tin un caminata, e di 9 edicion di “Walk with a Vision”, cu nan ta haciendo y danki na e comunidad di Aruba semper tabata exitoso y unicamente ta birando mas exitoso.

“Walk with a Vision” di FAVI lo ta diadomingo dia 29 di maart

“Walk with a Vision” di FAVI lo ta diadomingo dia 29 di maart. Click link pa mas

Posted by 24ora on Tuesday, March 10, 2020

E caminata aki lo tuma luga dia 29 di maart pa 5’or di atardi cuminsando na Brandweer na Camacuri, caminda cu ta habri e programa di e caminata cu un warmup zumba di Roseanne Ruiz. Despues ta start e caminata pa 5’or y mey di atardi. Esaki ta riba un diadomingo.
Registracion ta cuminsa pa 4’or di atardi y ticketnan ta obtenibel na FAVI.E aña aki a saca solamente 1100 ticket. Ora cu e caba, el a caba. No ta bay saca mas ticket. Si bo ta interesa pa bin cu bo compania, cu bo grupo di famia, cu bo grupo di deporte, cumpra bo ticketnan, pa asina boso ta sigur cu lo ta den e caminata di FAVI.

E aña aki lo bay tin tres premio pa e gruponan mas anima. Ta bay tin pa gruponan di empresa. Tambe lo tin premio pa e grupo mas anima di famia. Tambe ta bay tin premio pa e grupo deportivo, pa asina nan tambe participa pa e grupo mas anima y hiba e copa di eseynan cas.
FAVI tin un fun walk/run. Loke ta haci ta duna un medaya na e prome hende homber cu drenta, e prome hende muhe, prome teener, e prome mucha cu drenta y tambe prome cliente di FAVI cu yega final.E ticketnan ta obtenibel na FAVI cerca tur boluntario y clientenan di FAVI. Si bo conoce un cliente di FAVI facilmente bo por lag’e facilitabo e ticketnan aki y tambe cerca boluntarionan por haya ticket.

Ta djis pidi nan y nan lo percura bo haya bo ticket. Abo tambe por yega facil of yama na 5825222 pa asina bo por yama y reserva bo ticketnan y busca nan. Si bo no tin hende pa busca nan, FAVI mes por entrega nan cerca bo. Ticketnan ta na balor di 10 florin y asina bo lo ta contribuyendo na FAVI.Tambe danki na MetaCorp FAVI lo ta hayando 100 t-shirt pa e prome 100 hendenan cu registra riba e atardi aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.