fbpx
November 29, 2022

Cantante y tipiconan ta preparando pa festival dedica na Bernadina Growell

Share on Facebook
Share on Whatsapp
0
0
Cantante y tipiconan ta preparando pa festival dedica na Bernadina Growell
Cantante y tipiconan ta preparando pa festival dedica na Bernadina Growell

Lilian Koolman-Besselink ta un di e miembronan di Fundacion Bernadina Growell y ta contento cu a habri inscripcion na cas di Mama di Cultura. E acogida tabata hopi bon. Tin como 10 participante cu a bin inscribi. Tin di mucha y hende grandi. Esnan cu ainda no a bin y cu ainda ta desea di participa, ta informa cu ta bay pone un otro fecha mas cu nan por bin y inscribi pa e festival dia 30 di mei proximo den Centro di Bario Brazil.

Percy Jeand’or a splica cu nan ta organisando e festival ya pa mas of menos 8 aña largo cu ta un gran festival pa e pueblo di Aruba y den Brazil, cu cancionnan di Bernadina y otro compositor of cantantenan mas cu por participa.

Pa e fundacion ta un honor pa trece mas hende den wega pa duna e pueblo mas di nos mama di cultura. Si bo tin gana di participa, bo por yama libremente e numbernan cu sali de corant y naturalmente riba 24ora.com pa bo participa y gosa dia 30 di mei. No keda sin bin, inscribi y trece bo publico cu bo tambe.

E festival aki ta wordo organisa cu hopi honor pa tur hende participa. No tene miedo. Miho bo participa pa bo pensa cu bo ta bay gana. Ta dushi pa esnan mas hoben, esnan di mas edad, tur por participa.

Jose Orman ta lider di tipico Palisia y lo tin dos participante kendenan ta Joel Growell y su klomp’i sucu. Ta un composicion di Bernadina y riba e dia anochi ey lo lans’e pa prome biaha.

Tambe lo bay tin Roberto Orman cu Pilar, un composicion di Bernadina. Ta spera cu un y tur por hala cerca y cuminsa inscribi, mirando cu cuponan ta limita. Esey ta pa tin tempo pa prepara pa e dia di e festival.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.