Pa di tres aña caba docente y boluntarionan di Colegio Ora Ubao ta organisando nan Festical di Canto den cuadro di celebracion di Dia Nacional di Aruba. E festival ta tuma luga dia 13 di maart awo.
E ta un festival dedica na e isla y ta titula “Ban Canta pa Aruba”.Tin participantenan di 1ste te cu 6de klas y tin un total di 12 hobencitonan participando. E festival ta tuma luga na e scol mes, cuminsando pa 6.30 di atardi y ta pidi un contribucion di tres florin na entrada cual ta bay pa e scol.
Banda di e festival tin entretenimento di e famoso grupo Melodia, y e muchanan por participa den un feria tambe cu lo tin eynan.
Por cumpra entrada adelanta cerca e participantenan, pero por cumpra na e scol mes.
E hobennan participante ta wordo compaña pa un banda en vivo y ta train tur dia despues di scol.
