Presidente Donald Trump di Merca a anuncia un rato pasa cu el a tuma algun accion pisa pero necesario pa preveni mas efectonan rond di e Coronavirus. Entrante diabierna awo ta prohibi vuelonan for di Europa pa Merca. E restriccion sinembargo no ta aplicabel pa Inglatera.
E Presidente di Merca a cataloga Coronavirus como un “horrible infection” y a tene un discurso nacional pa elabora riba locual el a considera un “unprecedented response to the coronavirus outbreak.”
Di acuerdo cu Presidente Trump, e ta planeando pa pronto anuncia accionnan di emergencia pa provee sosten financiero pa empleadonan cu bira malo y ta den cuerentena. E lo pidi Congreso Mericano pa tuma accionnan legislativo pa extende un alivio, pero e no a bay den detaye den con e lo haci esaki. Mas leu el a duna di conoce di a instrui Treasury Department pa aplasa pagonan di belasting sin interes of multa pa ciudadanonan y pa negoshinan cu ta impacta negativamente.
