Pueblo ta keda cordialmente invita pa e presentacion di e disertacion (proefschrift) di Sr. Gregory T. E. Richardson. Sr Richardson recientemente a obtene su Ph.D na Vrije Universiteit van Amsterdam den e area di Antropologia Cultural riba e tema, “Sweet Breakaway: an ethnographic study of Aruban Calypso Music and the Narratives of the One Happy Island”.
Den e estudio etnografico aki el a enfoca riba musica di calypso na Aruba di diferente angulo y e relacion cu discursonan dominante den sociedad.
E presentacion aki lo tuma lugar diahuebs 12 di maart na The John Wesley Auditorium San Nicolas (E ta keda patras di A de Veer Mavo y na banda di misa Methodista). E orario ta di 19:15 pa 21:30 di anochi. E buki tambe lo ta disponible pa esnan cu ta interesa.
