fbpx
November 29, 2022

Safe Food ta lansa su website cu cursonan professional di seguridad cu cuminda y hospitalidad

Share on Facebook
Share on Whatsapp
0
0
Safe Food ta lansa su website cu cursonan professional di seguridad cu cuminda y hospitalidad
Safe Food ta lansa su website cu cursonan professional di seguridad cu cuminda y hospitalidad

Clientenan di awendia a bira mas consiente di peligernan relaciona cu cuminda cu no ta sano.

E website nobo www.safefoodaruba.com ta na unda por acudi pa haya informacion encuanto di tur e cursonan, training y certificacionnan necesario den diferente seccionnan den sector hotelero, hospitalnan, restaurantnan y lugarnan na unda bishitantenan pero tambe nos localnan por experiencia cuminda di alta calidad y procesa debidamente di ora cu e sali for di freezer te cu e keda sirbi den un tayo na bo mesa.

E website aki ta referi na expertisio riba tereno di hospitalidad y seguridad di cuminda riba standardnan internacional y halto. Ademas di duna informacion di kico tur ta e certificacionnan necesario pa bo restaurant, hotel of otro organización cu ta sirbi cuminda e website ta duna informacion con pa haya certificacion internacional y training den food safety & hospitality.

Pues e trainingnan ta varia y ta dirigi pa tur tipo di trabou relaciona cu hospitalidad.

E industria di hospitality di awendia ta deal cu clientenan cu ta spera cu nan demanda no solamente pero mester cumpli y te hasta surpasa expectativanan.

Safe Food Inc., un compania di food safety/hospitality consultancy 100% autentico Arubano a introduci e website aki pa por brinda e sector di hospitalidad y servicio di cuminda un posibilidad pa traha y perfecciona e servicio na nan clientenan.  Safety di cuminda ta un trabou diario pa Cirilio Koolmand cu ta un persona hopi pasiona den su trabou y cu hopi dedicacion ya pa hopi aña ta traha riba e tereno aki.

“Nos experiencia ta cubri un variacion amplio di areanan relaciona cu e industria hospitalaria y di sanidad di cuminda. Por ehempel, “food safety consultancy”, varios training pa restaurant managers y wait-staff training, ServSafe food safety training, Auditnan extenso encuanto food safety, HACCP & Mystery shopping audits, foodservice cost control training&certificacion.”, asina Cirilio Koolman director di Safe Food Inc. a splica.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.