fbpx
November 27, 2022

Seminario Consultativo na MANA riba retonan di cambio di Clima den Caribe

Share on Facebook
Share on Whatsapp
0
0
Seminario Consultativo na MANA riba retonan di cambio di Clima den Caribe
Seminario Consultativo na MANA riba retonan di cambio di Clima den Caribe

Diahuebs awor 12 di maart  entre 14:00 y 18:00 den auditorio di MANA tin un encuentro entre Organisacionnan Gobernamental,  Organisacionnan No Gobernamental Arubiano y cientificonan di Universidadnan Hulandes y di Caribe Hulandes.  

Lo presenta  charlanan relaciona cu cambio di clima y su relacion cu bida comunitario.  Tambe lo tin presentacion di un proposicion di un programa door di Prof. dr. Corinne Hofman y dr. Francio Guadeloupe cu lo entrega na e Organisacion Hulandes pa Investigacion Cientifico (NWO).  

Basa riba e presentacion di e prome concepto di e programa lo delibera riba preguntanan di investigacionnan pa e programa final cu lo entrega na NWO pa financiamento.  Meta di e programa ta pa investiga di diferente perspectiva con hende a anda cu cambio di clima y su impacto riba diferente tereno di bida.  Resultado di e programa ta pa identifica solucionnan duradero con pa anda cu cambio di clima na nivel di Caribe y globalmente.

Personanan cu por y desea di duna un contribucion na e deliberacion di formulacion di preguntanan investigativo pa e programa final ta bon bini. Sea asina bon di notifica via email [email protected] pa mas tarda dia 12 di maart pa 11:00’or bo participacion.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.