fbpx
November 29, 2022

Tanki gas di “dive” a explota riba homber

Share on Facebook
Share on Whatsapp
0
0
Tanki gas di “dive” a explota riba homber
Tanki gas di “dive” a explota riba homber

Un poco despues di 1’or di merdia a scucha un sonido hopi fuerte banda di hotelnan grandi, den bisindario di Moomba Beach.

A resulta cu un tanki di gas di “dive” a explota riba e persona cu tabata traha riba esaki. E explosion a causa lesion serio na e cabayero aki cu a keda tira na suela for di tino.

Na momento cu ambulance a yega na e sitio, ya caba e tabata na tino pero den shock y no por a duna ni su nomber. Mesora a bati alarma pa demas autoridadnan acudi na e sitio, manera Slachtofferhulps y funcionarionan di Departamento di Inspeccion Tecnico (DTI).

Por a compronde cu e parti ariba di e tanki a bula afo, na momento di e explosion.

A atende e herido na e sitio y despues cu a stabilis’e, a transporta pa dr. Horacio Oduber Hospital.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.