fbpx
November 29, 2022

AVP ta adverti: Lo elimina licencia pa plantacion di marihuana

Share on Facebook
Share on Whatsapp
0
0
AVP ta adverti: Lo elimina licencia pa plantacion di  marihuana
AVP ta adverti: Lo elimina licencia pa plantacion di  marihuana

Asina cu AVP asumi poder bek, nan lo elimina e licensia cu Gabinete Wever-Croes ta dunando na comerciantenan y amigonan yega na e partido, relaciona cu plantacion di marihuana na Aruba. Bou di e capa di pa motibonan “medicinal”, Gobierno tin intencion di de-criminalisa droga pa por haya 15 miyon florin den caha di Gobierno e aña aki ainda, a costo di e problema creciente di droga cu nos isla tin caba. Parlamentario Benny Sevinger a adverti tur cu ta interesa pa cumpra e licencia aki, pa nan ta na altura cu AVP lo no sigui cu e idea loco aki asina cu bin cambio den gobernacion.

Benny Sevinger a bisa cu henter e idea di cambia ley no tin nada di haber cu pueblo ni pa rasonnan medico. E motibo real tras di e cambio aki ta pa un grupo enrikese nan mes a costo di otronan, a costo di adiccion na droga y a costo di tur otro daño cu esaki lo causa na e ser humano. Sevinger ta considera e Gobierno aki hopi inmoral pa crea un industria di droga na Aruba pa por gana placa y balansa e presupuesto.

Benny Sevinger (AVP): Lo para licensia pa plantacion di marihuana asina cu AVP asumi poder bek

Benny Sevinger (AVP): Lo para licensia pa plantacion di marihuana asina cu AVP asumi poder bek

Posted by 24ora on Thursday, March 12, 2020

Ningun caminda ta pone leynan pa aumenta castigo pa bendedonan di droga ni tampoco ta aloca fondo pa yuda adictonan of esunnan cu cay den mal caminda. Pero si kier promove plantacion den gran escala riba nos isla, cu tur consecuencia cu esaki lo por tin pa nos sociedad. Cu e mensahe di awe, AVP kier manda un mensahe di advertencia serio pa tur cu ta soñando di bira miyonario riba desgracia di famianan, cu asina Gobierno cambia, cu AVP ta pronostica cu lo sosode pronto, cu lo para henter e desaroyo aki.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.