fbpx
November 30, 2022

Festividad Himno y Bandera 18 maart na Archivo Nacional Aruba

Share on Facebook
Share on Whatsapp
0
0
Festividad Himno y Bandera 18 maart na Archivo Nacional Aruba
Festividad Himno y Bandera 18 maart na Archivo Nacional Aruba

Fundacion Amigonan di Archivo tin e placer di invita e comunidad di Aruba pa un bes mas bin celebra e dia di Himno y Bandera dia 18 di maart na Archivo Nacional Aruba. E aña aki atrobe Fundacion Amigonan di Archivo den cooperacion cu Archivo Nacional Aruba ta organisa su conocido “Festividad Nacional Himno y Bandera”.

E festividad ta cuminsa di 10or di mainta pa 6or di atardi.
Pa varios aña caba e comunidad ta bin hunto pa celebra e dia conhuntamente dia 18 di maart. E combinacion di un exposicion y un festividad cultural ta e actracion pa e publico en general. E dia ta ensera un bishita den e sala di exposicion di Archivo Nacional Aruba na unda lo tin un bunita y sumamente interesante exposicion di Centraal Bureau voor de Statistiek (CBS) cu ta titula “Aruba ta conta riba BO!”

E historia di Censo. E exposicion di CBS lo enfoca riba e desaroyo di Aruba den e ultimo 60 añanan cu a haci e censo official na Aruba y e datos importante cu a colecciona durante e añanan. Archivo Nacional Aruba tambe tin un parti den e exposicion na unda lo mustra con antes tabata tin recoleccion di data durante e tempo di Gezaghebber. Particularmente na 1908 tambe tabata tin un censo.

E intencion cu e Festividad Nacional aki ta pa riba un dia special manera 18 di maart pa pone enfasis riba nos cultura, nos custumbernan y nos pasado. E ta un dia hopi informativo y educativo pa tur nos bishitantenan.

Banda di e exposicion den e sala di Archivo Nacional Aruba lo tin riba e parkeo lo tin e grandioso Festividad Cultural Nacional na unda cu lo tin un stage cu musica bou encargo di DJ New Born, Melodia y Rincon Boyzz. Lo tin bailenan cultural pa diferente gruponan entre otro di Candy Dancers, Grupo Folklor di Santa Cruz cu e baile di Cinta y Gucci Dancers. Paden den e sala, lo tin merdia un presentacion unico di Tipico un Aruba, cu solista Omar Kock pa deilita e bishitantenan den e sala di exposicion.

Y especialmente pa tur esnan cu ta busca cosnan tipico y crioyo pa come durante e dia aki, nos lo tin diferente tent cu cuminda pa tur gusto. Tin artesania, prendanan traha na man, t-shirts, bolo, kuki, cocada, awa di coco y mucho mas. Pa Pa e muchanan por entretene nan mes lo tin un kids-corner, cu dino-jump, trampoline, cotton candy y e dushi raspao. E dia lo ta hopi ameno pa grandi y chikito. Un actividad pa famia!

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.