Komèrsio i Industria di Kòrsou ta skohe tres miembro di direktiva di Kámara di Komersio

Djárason 11 di mart, Kámara di Komersio tabatin votashon anual pa elekshon di miembronan di direktiva. E votashon tabata pa skohe dos miembro pa un periodo di tres aña den representashon di empresa chikí.

Elekshonnan di Kámara di Komersio ta tuma lugá tur aña bou di ouspisio di un Komishon di Elekshon independiente. Manera ta regla, tur aña tres di e nuebe miembronan di Kámara di Komersio ta baha, segun skema.

Esei ta trese kuné ku e aña aki tambe, bou di ouspisio di un Komishon di Elekshon, bou di presidensia di sr. Ravi Daryanani, tabatin elekshon pa tres miembro di direktiva, den representashon di e sektornan ku a keda ku vakatura. Na turno pa baha tabata sra. Jeanette Hooi-Bonet i srs. Bryan Irausquin i Michael Marugg, kual ta resultá den un (1) vakatura den representashon di empresa grandi i dos (2) vakatura den representashon di empresa chikí. Sr. Bryan Irausquin a keda postulá komo e úniko kandidato pa yena e puesto vakante den representashon di empresa grandi, i pues a keda eligi den e puesto ei pa motibu ku no tabatin mas kandidato.

Komo kandidato pa e dos vakaturanan den representashon di empresa chikí a ser postulá sra.
Jeanette Hooi-Bonet i sra. Ednella Gosepa, i srs. Ralph Ottenheim, Michael Marugg i Stanley Gibbs.
Votashon di ayera pa e dos puestonan pa empresa chikí a duna komo resultado ku e kandidatonan sra. Jeanette Hooi-Bonet i sr. Ralph Ottenheim a keda elegí pa un periodo di tres aña. Den 2020 Kámara di Komersio i Industria di Kòrsou lo ta konsistí di sra. Jeanette Hooi-Bonet i srs. Marcos
Cova, Bryan Irausquin, Marco Cheis, Renato Ignacio, Willem (Billy) Jonckheer, Raoul Behr i Arthur
Rosaria.