Stichting Avondonderwijs Aruba ta anuncia e fecha pa inscribi pa e instaptoets di Avondmavo pa e aña escolar 2020-2021. Oranjestad- Directiva di Stichting Avondonderwijs Aruba (SAA) kier informa e comunidad di Aruba cu for di dia 13 di maart te cu dia 29 di maart tin e posibilidad pa inscribi pa e instaptoets di Avondmavo.
E instaptoets aki ta pa personanan cu kier inscribi pa e aña escolar 2020-2021 den klas 2 pero no ta cumpli cu e exigencianan necesario pa por drenta Avondmavo. E rekesitonan pa drenta den klas 2 ta lo siguiente: 1. Bo tin 16 aña of mas di edad; 2. Bo tin un rapport di klas 2 di mavo school of bo tin un diploma di EPB niveau uitstroom of doorstroom.
Den caso cu no ta cumpli cu e rekisitonan aki lo mester participa na e instaptoets. E instaptoets aki ta determina si bo lo por bin na remarce pa inscribi pa drenta klas 2 di Avondmavo den e aña escolar nobo. Pa inscribi pa e instaptoets ta rekeri lo siguiente: 1. Un copia di un ID valido; 2. 25,- florin di inscripcion.
E suma aki por wordo paga via banco of via swipe na oficina di Avondmavo. Number di banco: CMB 644.893.03. Please tene na cuenta cu no ta tuma efectivo (cash). Nota ora di paga via banco bo nomber completo. Inscripcion ta tuma lugar via nos Website: www.avondmavoaruba.com Despues di inscribi online mester trese e rekesitonan menciona na oficina di Avondmavo (EPI, Sero Blanco z/n) durante orario di oficina 8:00am-16:30pm. Tene cuenta cu e inscripcion ta completo ora tur documento ta entrega. E instaptoets ta tuma lugar dia 22 y 23 di april 2020, parti mainta. Pa cualkier informacion por tuma contacto cu oficina di Avondmavo na telefoon: 583-3779 of via mail na [email protected] Directora di Avondmavo
