Diaranson 18 maart venidero pa 9or mainta lo tuma lugar apertura di Torneo Himno y Bandera di bolas criollas na Papaya Ranch. Lo tin un total di 36 ekipo cu lo bataya den categoria di damas y caballeros.
E torneo nacional aki ta un clasificacion pa XXI Torneo Internacional di bolas criollas cu participacion di Aruba, Boneiro y Korsou riba dianan 24-25-26 di april 2020 na canchanan di Papaya Ranch, Aruba. Papaya Ranch ta desea tur ekipo exito y alavez ta invita pueblo di Aruba pa pasa apoya nos ekiponan y celebra nos dia nacional. Lo tin un bar bon surti y cushina cu hopi cuminda crioyo. Ban celebra nos Dia Nacional en grande y engrandece nos deporte di bolas criollas!
