fbpx
November 27, 2022

Prome Minister Rugghenaarth: Vuelonan di Europa ta prohibi pa yega Corsou

Share on Facebook
Share on Whatsapp
0
0
Prome Minister Rugghenaarth: Vuelonan di Europa ta prohibi pa yega Corsou
Prome Minister Rugghenaarth: Vuelonan di Europa ta prohibi pa yega Corsou

Gobierno di Corsou a tene un rueda di prensa unda cu a duna update riba e situacion di coronavirus despues cu un persona a test positivo. Prome Minister y Minister di Asuntonan General Eugenne Rugghenaath a confirma e prome caso di coronavirus y esaki ta bin di un persona cu a bin for di Hulanda. A isola e persona masculino di 69 aña p’asina evita cu e virus plama den comunidad. Tambe a isola su señora pa por haci e testnan necesario y na mes momento a duna nan informacion kico tur nan tin cu haci. Lo sigui monitoria nan situacion tanto como salud y tur nan necesidad.

Informacionnan cu gobierno a ricibi ayera nochi laat y awe mainta riba e desaroyo di otro paisnan cu e situacion di e virus, mester a tuma algun medida y proteccion p’e pueblo. A haci esaki segun e protocolnan cu tin y a opta pa cera frontera pa vuelonan cu ta bin for di Europa como precaucion. Lamentablemente a mira na otro paisnan, manera Hulanda, Italia, y e situacionnan ta fatal. Minister Rugghenaath a bisa cu no tin motibo pa bin cu panico, pasobra te cu awo ta 1 caso so tin. Tin avionnan cu ta na caminda pa Corsou, y esakinan lo yega y aplica e protocol con pa atende cu e pasaheronan. Autoridad di Aviacion Civil a duna protocol con pa atende cu tur pasahero y isola pasaheronan cu tin sintomanan. E decision tuma ta pa restringi vuelonan cu ta bin di Europa. Lo sigui evalua durante transcurso con cos ta andando. Awo esaki ta conta pa vuelonan cu ta bin di Europa y no di Corsou pa Europa. Tambe a haci peticion pa cancela eventonan unda cu tin grupo grandi di persona hunto.

Corsou: Update riba situacion di caso sospechoso di Coronavirus

Corsou: Update riba situacion di caso sospechoso di Coronavirus

Posted by 24ora on Friday, March 13, 2020

Ministernan di Corsou a bini hunto pa asina tuma e decision severo aki. Lo keda informa comunidad di Corsou riba e desaroyo di e situacion aki y lo haci via e canalnan corecto. Minister di Salubridad Publico, Medio Ambiente y Naturalesa, Suzanne Camelia-Römer, a bisa cu tin yen noticia falso y no sigui nan sino loke gobierno ta trece padilanti. Minister di Hulanda Blokkhuis ta informa y tin comprension total di e strategia hiba. Tur colega ta yudando p’e comunicacion cu tin di cana. Un minister so no por atende tur aspecto pero trabou ta parti entre tur. A haya e cooperacion di tur minister y instituto di crisis. A enfatisa pa pueblo no bay tras di e informacion incorecto, o sea “fake news”. Tur informacion cu sali, ta bay di un forma structura.

Izzy Gerstenbluth, hefe di departamento di Epidemiologia a bisa cu a tuma e medidanan necesario y cu Covid-19 ta na Corsou. Nan tabata sa cu esaki lo a yega y tur cos ta a base di e tempo. Tin basta dianan caba ta monitoria hendenan cu por tin caso of a core riesgo p’e virus. Ta pidi pa pueblo keda calma ya cu e maneho no a cambia. Aworaki tin sospecho cu e virus ta cambiando na Italia y e profesionalnan eynan no por documenta kico e virus por haci. Sa cu mayoria caso cu a yega na Hulanda ta conecta cu Italia y mester mira e situacion. Hulanda a tuma medida y Corsou tambe ta haciendo mescos pasobra tin e chens cu mas hende malo por yega.

For di siman pasa riba iniciativa di Minister Camelia-Römer a instrui tur ministerio y stakeholder clave pa evalua e situacion di e virus riba economia, salubridad, financia y tur area  pa por tin datonan cu por maneha. Ora ta papia di frontera ta papia riba e parti di comestibel, medicina. Ta pidi pa keda trankil. Como parti di maneho di e crisis aki, mester percura pa provee e necesidadnan cu mester tin.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.