Tabata alrededor di 7:00pm cu a sosode un accidente na Primavera, pero un di e autonan a opta pa sigui core bay! Mesora a start un persecucion, mientras cu e victima a yama Polis pa informa di e auto cu a dal’e y sigui core bay. Polis a logra para e auto na altura di Tempo, den De La Sallestraat. E chauffeur a resulta di ta burachi y pa colmo, a haya droga den su auto!
Polis no a bacila y a detene e chauffeur y laga hib’e Warda di Polis pa por conduci un investigacion y pa interog’e. Ey lo present’e dilanti un Sub Fiscal cu lo mester dicidi riba su encarcelacion of si ta lag’e liber pendiente un caso penal den su contra.
