fbpx
December 03, 2022

Artista Sandra van der Linde ta comparti su realidad den arte

Share on Facebook
Share on Whatsapp
0
0
Artista Sandra van der Linde ta comparti su realidad den arte
Artista Sandra van der Linde ta comparti su realidad den arte

Sandra van der Linde, ya caba conoci como un artista, maestra den mundo di pintura, ta opera tambe den mundo yena cu experiencianan propio den otro dimensionan, cual hopi ta conoci como shelo, universonan of luz infinito. Sandra van der Linde ta comparti su realidad como un instrumento cu por resona na hopi hende cu ta pasando experiencia spiritualmente fuerte.

Awe hopi di nos ta experiencia comunicacion den otro nivel manera dimensionnan. Esaki ta sosode via impulso di haci cosnan fuera di lo normal, tambe via vision y soñonan. Kier aclarea cu esaki no ta haci un persona mas spiritual cu otro. Ya cu e ser humano ta riba su mesun trinidad den un esencia spirito, alma y curpa bibando e mundo di 3D (tercer dimension/densidad). 

Y como sernan spiritual cu nos ta, nos tur tin acceso na tur dimension y esaki ta conta hasta e dimension caminda e guardian/angelnan ta opera. E sernan aki ta hopi conoci segun Bijbel, como angelnan, mensaheronan di Dios.

Sandra ta yama nan preferiblemente guia, caminda e guia no tin e tarea di maestro. Maestro ta un persona cu ta siña e esencia y divinidad di Dios den bo ser, dus e identidad di e persona cu Dios e Tata Eterno of universonan den su totalidad, manera tempo Hesus cu tabata un tremendo maestro a bisa; Ami y mi Tata ta un (Juan 10:30, Juan 14). Ta duna ehempel di un mata di windruif cu full e mata ta un ser ariba su mes.

Den e caso di e guianan Sandra ta describi segun su mes un experiencia y conocemento, cu e guianan ta mensahero y guardiannan di humanidad sin distincion di creencianan, estado social y cultural. Nan ta sernan den un dimension sutil caminda nan ta e forsa cu ta move materia pa preveni cierto acontecimientonan na cada individuo segun su destino y no ta sernan cu ta exigi of pidi pa wordo adora of idolatra. 

Sandra ta splica, e tempo cu nos ta bibando aden ta uno super bon, ya cu e conexion di e ser humano cu e Creador ta uno hopi mas intenso cu nunca hamas mira ya cu hopi hende no ta kere mas den un sistema controlado cu ta hinca miedo den hende. Aki ta caminda e guia/guardia/angelnan ta funciona y nan ta pone bo sinti hopi fuerte pa haci cierto cambionan den e bida di e persona. Ehempel un gana di cambia di trabou sin importa nada!

Tambe nan funcion ta pa impulsabo pa bay cierto luganan cu normalmente bo no sa bay pa topa cu un hende cu tabata necesario pa conoce of combersa, pa haci algun arte, deporte, sembra, hasta incluso cosnan cu nunca a yega di haci antes, hasta incluso pa stop di asisti na culto of gruponan of aparta di cierto relacion, amistad, famianan cu ta stroba bo fluho den bo proposito cu Dios.

E mundo cu e guardian/angelnan aki ta opera, no tin regla manera nos conoce y menos sistema manera nos mente humano ta custuma. E plan no ta pa huy for di e mundo actual, pero pa transforma e realidad actual y mehor’e, ya cu ta nos mes a cree. Nos tin mucho informacion celestial acumula, pero nos no sa con pa sacanan afo pa motibo di falta di identidad. 

Nos a wordo programa door di sistemanan religioso y cultural pa añanan cu a haci cu nos a perde nos identidad den Dios mes. Y door di esaki e Spiritu Santo y eterno cu ta biba den bo, ta facilitabo pa bo biba tur dimensionnan aki y awo, y pesey e ta normal pa topa cu e guardian/angelnan operando pa bo beneficio. 

Pa esanan cu ta desea mas informacion mas profundo, por comunica na su Facebook Sandra van der Linde.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.