Manera nos por mira riba e potretnan adhunto, clientenan cu kier haci nan compras na Botica Dakota, mester para bao di tent pa asina sea ordo via bentana, sea ta cualkier remedi riba shelve of remedinan receta.
Segun un usuario di 24ora.com, for di diabierna caba a pone tent, pa asina acomoda esnan cu kier haci uzo di e servicionan di e botica. Ta haci tur ordo via bentana y ta paga tambe via bentana.
Tambe di loke tin entendi, te cu diamars otro siman lo bay bin un cargacion di paracetamol y ta pa e motibo aki tambe a cuminsa limita dos paki pa cliente, mirando cu e stock ta un poco abao.
Te asina leu no a mira e fenomeno aki na otro boticanan y ta di spera cu dicho medida aplica pa Botica Dakota, no bay wordo adopta pa e otro boticanan riba nos isla.
