Diasabra pasa di 6:45 atardi alarma a keda activa pa Citgo Essoville na San Nicolas unda lo tin un candela den e baño, a mobilisa brandweer y polis cu urgencia. Polis a yega di biaha core cu tur hende for di e area pa evita si algo bay for di man debi na gasoline. Unidad di brandweer a yega di biaha pero ya e personal di e pompstation tabata tin esaki domina pero tog bomberonan a bay controla e situacion. E area a keda cera te ora cu tur cos tabata normalisa.
