fbpx
December 03, 2022

A detene motociclista di Corsou bou influencia di alcohol

Share on Facebook
Share on Whatsapp
0
0
A detene motociclista di Corsou bou influencia di alcohol
A detene motociclista di Corsou bou influencia di alcohol

Un rato pasa, pa mas o menos 5:00am, Polis a bay na altura di Lekker Bar & Restaurant pa controla orario di ceramento. A probecha nan presencia y a controla tur vehiculo cu tabata na e sitio den e oranan di mainta ainda. Den e control a para un Quadracer procedente di Corsou, pero e chauffeur tabatin 3X e nivel di alcohol permiti den su rosea, pa cual a detene mesora!

Manera ta conoci, tin un grupo grandi di morociclistanan for di nos islanan ruman cu a bin Aruba pa celebra nos dia nacional. Ta despues cu nan a yega caba cu Gobierno a dicidi di cancela tur evento publico, entre otro show di drifting y careda na Palo Marga. Ayera e bishitantenan a subi caya y a entretene Polisnan pa un bon rato, haciendo “show” riba camindanan publico.

E chauffeur specifico aki a keda deteni y transporta pa Warda di Polis, mientras a hiba su vehiculo tambe den beslag, aunke mester bisa cu tur su papelnan tabata na ordo. Mester menciona cu di 220 ugl cu ta e limite di alcohol permiti den Bo rosea, el a surpasa 600 ugl! Probablemente despues di “pasa wayaba” lo entreg’e su vehiculo bek hunto cu un multa, como recuerdo cu mescos cu na Corsou, aki tampoco ta permiti maneha un vehiculo bou influencia di alcohol.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.