fbpx
November 28, 2022

Colombia ta restringui entrada na stranheronan pa coronavirus

Share on Facebook
Share on Whatsapp
0
0
Colombia ta restringui entrada na stranheronan pa coronovirus
Colombia ta restringui entrada na stranheronan pa coronovirus

Presidente Ivan Duque di Colombia a amplia e medidanan di control pa ciudadanonan stranhero cu ta drenta e pais adopta den medio di e pandemia pa coronavirus, di cual ya caba tin 34 caso confirma den e pais. Desde dialuna lo restringui entrada den e teritorio nacional di “personanan nacional y no residente na Colombia,” segun e mandatario riba su Twitter.

Minister di Transport, Angela Maria Orozco a informa cu e decision tuma ta un ampliacion di e medidanan anuncia anteriormente p’e presidente Ivan Duque, unda tabatin restriccion na ciudadanonan cu ta bin di Europa y Asia. “Segun e ultimo noticianan, unda otro paisnan cu aumento di casonan di coronavirus di un manera sustancia, unda cu tin mas di 100 pais cu casonan di coronavirus, e Gobierno nacional a amplia e medida ey na cualkier stranhero cu ta bin di cualkier pais di mundo,” minister Orozco a afirma. Desde 16 di Maart pa 12:01 di anochi lo prohibi entrada na stanheronan di cualkier pais y e excepcion ta pa nacionalidad Colombiano, residentenan di Colombia, misionnan diplomatico, kendenan lo drenta someti na isolacion preventivo obligatorio.

E minister a sigui informa cu lo tin brigada special di bishitanan cu lo vigila esnan den cuarentena preventiva pa verifica cu nan ta actuando segun e medidanan di Gobierno. Diaranson Gobierno a duna ordo e isolacion preventivo na tur ciudadano cu a bin di Spaña, China, Italia y Francia, principalmente riba coronavirus e momento ey. Tambe e Gobierno a duna ordo di cera e frontera cu Venezuela diabierna anochi debi na e alerta halto di Covid-19, ya cu ta registra casonan na e pais bisiña.

Di otro banda Ecuador a anuncia diasabra di cera tur su fronteranan y esaki ta afecta e parti zuid di e pais. E restriccion ta afectando e movilacion di ciudadanonan entre paisnan den e dianan aki rond mundo. Spaña ta bibando den un cuarentena den henter e pais, di cual Italia a pone algun dia atras.

Desde siman pasa Organisacion Mundial di Salud (WHO na Ingles) oficialmente a cataloga coronavirus un pandemia. E virus aki a mata mas di 6000 persona rond mundo, mientras cu mas di 159 mil ta contagia.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.