fbpx
November 29, 2022

Gobierno a anuncia “Lockdown” pa Aruba

Share on Facebook
Share on Whatsapp
0
0
Gobierno a anuncia “Lockdown” pa Aruba
Gobierno a anuncia “Lockdown” pa Aruba

Relaciona cu e crisis cu a presenta debi na Coronavirus, Gobierno di Aruba a caba di anuncia cu lo prohibi tur vuelo yegando nos isla, pues separa di Europa, awor tambe for di Merca y Latino America. Lo permiti si pa avionnan por sali cu turistanan for di nos isla. Vuelonan cu lo permiti toch, ta avionnan treciendo Arubianonan y residentenan bek pa nos isla. E decision ta drenta na vigor diamars awor dia 17 di maart pa dia 31 di maart 2020. Despues lo evalua e situacion pa dicidi si ta cambia di decision of ta mantene e decision mas largo.

Prome Minister mr. Evelyn Wever-Croes a pidi ciudadanonan pa tuma e asunto aki na serio. Ta pidi tur Arubiano den exterior pa regresa nos isla mesora. Tambe ta conseha ciudadanonan pa NO biaha pasobra no tin garantia cu e aerolinea lo trece Bo bek, debi na e crisis aki. 
Pa loke ta eventonan, ta pidi ciudadanonan pa evita di bay fiestanan, luganan publico cu aglomeracion, etc. A nota cu den e ultimo dianan toch tabatin varios hende cu a sali bay fiesta y eventonan cu a continua den forma ilegal. Tene cuenta cu asina ta expone Bo mes pa por contagia cu un virus asina.

Gobierno cu Rueda di Prensa extraordinario riba crisis di Coronavirus

Gobierno cu Rueda di Prensa extraordinario riba crisis di Coronavirus

Posted by 24ora on Sunday, March 15, 2020

Na sector priva, ta pidi pa permiti pa trahadonan por traha for di cas, adapta orarionan y cuida e trahadonan mas cu ta posibel. Gobierno di Aruba a haci mesun cos, pidiendo e departamentonan pa evita aglomeracion di publico y permiti trahamento for di cas tambe.

Minister Dangui Oduber a bisa nos den un entrevista separa na final di e conferencia di prensa cu Gobierno a laga cera scolnan, para tur evento publico y cu awe a para tur vuelo biniendo Aruba. E ta un decision pisa y lo tin impacto economico serio pa nos isla, pero e ta pa salvaguardia salud di nos ciudadanonan.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.