fbpx
November 29, 2022

Medidanan preventivo pa COVID-19 den transporte publico

Share on Facebook
Share on Whatsapp
0
0
Medidanan preventivo pa COVID-19 den transporte publico
Medidanan preventivo pa COVID-19 den transporte publico

Teniendo na cuenta e medidanan preventivo y di accion decreta pa Minister Presidente y e responsabilidad di tur sector publico pa preveni cu e virus aki sigui plama na Aruba, Gobierno a anuncia medidanan preventivo cu tur compania y persona individual den posecion di un permiso di Transporte Publico mester tuma di awor pa dilanti.

E medidanan aki ta encera:
• Tur compania of persona individual den posecion di un permiso di Transporte Publico mester sigura di por desinfecta su vehiculo(nan) diariamente.
• Pone “hand sanitizer” na disponibilidad di e usuarionan y di e trahadonan na tur momento.
• Pone informacion tocante e COVID-19 na bista y disposicion di e usuarionan na tur momento y alcanse. Por busca material na Departamento di Salud Publico.
• Den caso cu durante ta brindando servicio di Transporte Publico topa cu un caso sospechoso di COVID-19, instrui e persona pa yama na e liña telefonico specialmente apunta pa casonan asina: 280-0101.

Ta pidi companianan y personanan individual cu ta dispone di un permiso di Transporte Publico, pa tene bon cuenta cu e medidanan di prevencion y accion stipula, pa asina preveni lo mas posibel pa e virus COVID-19 sigui plama na nos pais.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.