fbpx
November 29, 2022

Ministernan Slob y Bruins: Te cu dia 6 di April scolnan ta keda cera

Share on Facebook
Share on Whatsapp
0
0
Ministernan Slob y Bruins: Te cu dia 6 di April scolnan ta keda cera
Ministernan Slob y Bruins: Te cu dia 6 di April scolnan ta keda cera

Minister di Enseñansa y Media, Arie Slob y Minister di Salubridad Bruno Bruins a dirigi nan mes na henter Hulanda indicando cu ta tumando mas medida te cu 6 di April pa cu e situacion di coronavirus. E cambionan aki ta pa preveni cu e virus sigui plama. Pa loke ta Horeca, clubnan di deporte no lo habri dialuna. Restaurantnan y cafenan mester cera pa evita cu mas hende haya e virus.

Entrante awe pa 6:00pm tur cafe y luganan di come mester cera nan porta. Esaki ta conta pa tur sport – y fitnessclub, sauna, clubnan sexual y coffeeshop, segun Minister Bruins. “Nos ta pidi tur Hulandes pa tene distancia di otro, por ehempel ora di haci compras. Bo por uza e distancia di 1.5 meter,” mandatario Bruins a indica.

Scolnan, crèchenan lo keda cera te cu dia 6 di April. Aunke ta tene excepcion pa personanan cu tin un trabou vital, manera polis, bombero, esnan cu ta ta traha den cuido, segun mandatario Slob. Personal di enseñansa y empleadonan di pedagogia den crèchenan cu no ta malo, pa e proximo 3 simannan por bay nan trabou. “Nos mester di nan,” Minister Slob a bisa. “Pa guia e yiunan di mayornan cu ta traha trabounan vital, pero tambe pa guia e lesnan na muchanan cu ta keda cas.”

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.