fbpx
December 07, 2022

Tene cuenta cu decisionnan di Gobierno relaciona cu Corona Virus

Share on Facebook
Share on Whatsapp
0
0
Tene cuenta cu decisionnan di Gobierno relaciona cu Corona Virus
Tene cuenta cu decisionnan di Gobierno relaciona cu Corona Virus

Relaciona cu e crisis di Corona Virus COVID-19 Gobierno di Aruba a tuma varios desicion pa por garantisa siguridad y evita cu mas ciudadano por pega cu e virus. Ta den e cuadro aki, varios departamento y entidadnan ta sinta hunto diariamente pa evalua e circustancia y a base di esey ta adapta e maneho.

E decisionnan cu a tuma ta:

  • A dicidi cu ta cancela tur actividad publico y tambe priva cu tin permiso di polis entrante 15 di maart te cu 31 maart 2020.
  • Ta restringi biaheronan for di Hulanda, Europa y demas paisnan riba e lista di WHO entrante 16 di maart te cu 31 di maart cu excepcion di residentenan.
  • Desde ayera Aeropuerto Reina Beatrix a eleva su control riba buelonan procedente di paisnan cu no ta cay bao di e lista di restriccion.
  • Scolnan lo ta cera entrante dialuna 16 di maart te cu 20 di maart, despues lo evalua e situacion. E medida tuma ta conta pa scol, creche, traimerdia y tur instancia cu ta encarga cu educacion y cuido di nos muchanan.
  • Ta prohibi haci bishita na casnan di cuido di nos grandinan
  • Departamentonan di Gobierno lo traha a base di cantidad di personal minimo. Lo duna servicio a base di cita mas tanto posibel via telefon y email. Y caminda cu mester duna servicio na publico, lo evita aglomeracion.

Awor mester concentra pa contene y preveni cu e virus ta wordo transmiti. Ta pidi tur hende atencion pa esaki. E decisionnan aki a ser tuma despues di amplio deliberacion cu e comision di crisis di Gobierno di Aruba. Esunnan mas na riesgo ta nos grandinan riba 60 aña y esunnan cu ta sufri di enfermedadnan cronico.

Laba man mas tanto posibel pa 20 seconde y uza habon of hand sanitizer. Evita di bin den contacto fisico cu otronan, saluda otro sin duna man, brasa of sunchi.

Y si un hende ta sinti malo, NO sali for di cas! Yama 280-0101 pa mas informacion.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.